واحد صعيدي دخل إمتحان عربي

أعرب الجمل الآتية

سور الصين العظيم ،مرض جنون البقر

اخينا تنح شوية وبعدين راح قايل إجابة البتاعة الأولانية

سور هو البتاع اللي بينطه الحرامي عشان يسرق

الصين نوع من أنواع الأدوات المنزلية بس نوع مفتخر شوية بيتباع ب100 جنيه في العتبة

العظ لما بيخش عليك حيوان بيعمل كده وأشهر حيوان معروف بالحاجة دي هو الكلب

يم تقرباًوالله أعلم بحر أو حاجة كده

يعني معنى الجملة

لما ينط الحرامي من فوق السور عشان يسرق طقم صيني الكلب هيعضه في البحر

إجابة البتاعة التانية

مرض جنون البقر

مر دي الحاجة اللي طعمها بيجيب مرارة في الحلق ويخليك تفصل دماغك قوام

ض تقريباً حاجة زايدة شوية حبر في الورقة ولا حاجة ملهاش لازمة من الإعراب

جن اللهم احفظنا من اعفاريت والجن والحاجات دي يارب احنا ناقصين

ون دي أصلاً إنجليزي ومعناها رقم واحد لغات أنا برضه

ألب دي جبال موجودة في بلاد بره وجبال عالية قوي بتاع 200 كيلوجرام فوق سطح برج الجزيرة

قر ليها معنين حسب الجملة ذات نفسها المعنى الأولاني الحسدو القر والكلام ده ودي مش راكبة في الحوار

أما التاني اختصار لكلمة قرنفل ودي ركبة معانا في الحوار

ومعنى الجملة لما تجيلك مرارة في الحلق هات جني نمبر ون عشان يطلع جبال الألب ويجيبلك قرنفالية